ईश्वरी केसी/ राप्तीसोनारी
पाठेघरको मुखको क्यान्सर विरुद्धको एचपिभी खोप आज माघ ३० गतेदेखी फागुन ६ गतेसम्म बाँकेको राप्ती सोनारी, बैजनाथ, डुडुवा र नरैनापुरका गाउँपालिकामा लगाउन सुरु गरिएको छ ।
सामुदायिक र संस्थागत बिद्यालयको कक्षा ६ देखी १० सम्म पढ्ने र बिद्यालय बाहिर रहेका १० देखी १४ वर्ष उमेर समुहका किशोरीहरुलाइ एच पी भि खोप लगाइदै छ ।
राप्ती सोनारी लगायत ४ वटा पालिकामा गरि १२ हजार ३ सय ६१ जनालाई खोप लगाइदै छ । यस अघि माघ २२ गतेदेखी फागुन १ गतेसम्म नेपालगन्ज, कोहलपुर, खजुरा र जानकीमा गरि २४ हजार ५ सय ८९ जना किशोरी तथा बालिकालाई खोप लगाई सकिएको छ ।
जिल्लाभर कुल ३६ हजार ९ सय ५० जना किशोरी तथा बालिकालाई खोप दिइनेछ ।
राप्ती सोनारी वडा न. ३ मा रहेको आधारभूत स्वास्थ्य चौकीका प्रमुख हिरामणी गुरौं थारुले एचपिभी खोप अभियान निकै प्रभावकारी भएकोले १० देखि १४ बर्ष मुनिका सबै बालिका तथा किशोरीहरुलाई खोप लगाउन आग्रह गरे ।
