बैजापुर/ राप्ती सोनारी ३ नारायणपुरका ४७ बर्षिय गणेश बहादुर खत्री भारतको हरिद्धवार बाट लापत्ता भएका छन् । हिमान्चल प्रदेशको सिम्ला बाट घर आउन लागेका गणेश खत्री गत माघ ६ गते बाट भारत उत्तर प्रदेशको हरिद्धवार बसपार्क बाट हराई रहेको परिवार श्रोतले जानकारी दिएको छ ।
अहिले सम्म कुनैपनि सम्पर्कमा नआएपछि परिवारको सदस्यहरु सहित स्थानीयहरु अहिले भारतको विभिन्न स्थानमा खोजि गरिरहेका छन् । भारतमा खोजतलास गर्न गएका स्थानीय हरि प्रसाद चौधरीले आफुहरु हरिद्धवार,सिम्ला, दिल्ली लगायतका सहरमा प्रहरी संग सहकार्य गरेर खोजीकार्य गरेपनि अहिले सम्म फेला पार्न नसकेको जनाए ।
