बुधबार, २० चैत/बाँकेको राप्ती सोनारी गाउँपालिका वडा नं. ५ मा रहेको कर्णे राजा मन्दिर परिसरमा मेला लाग्ने भएको छ । हरेक बर्ष चैते दशै अर्थात राम नवमीको अवसर पारेर कर्णे राजा मेला लाग्दै आएको छ ।
मेला आज बुधबार बाट सुरु भई २५ गते विहान सम्म लाग्ने भएको हो । यस बर्ष कर्णेराजा मेला संरक्षण समितिले १ लाख २६ हजार रुपैयाँमा स्थानीय रेग बहादुर खड्कालाई सम्पुर्ण जिम्मा दिएको छ ।
मेलामा १ सय वटा स्टल, कला संस्कृति झल्कने नाचगान, स्थानीय तथा राष्ट्रिय कलाकारहरुको प्रस्तुती, नौटंकी नाच, झुला, पिगं र खेलकुद मुख्य आर्कषकको रुपमा रहेका छन् ।
रातीको समयमा लाग्ने मेलामा सुरक्षा ब्यवस्था समेत कडा पारिएको इलाका प्रहरी कार्यालय धामपुरले जनाएको छ । हरेक बर्ष राम नवमीको बेला कर्णेराजा मन्दीरको विशेष पुजापाठ हुने गरेको छ । शक्ति पिठको रुपमा मानिने कर्णेराजा मन्दीरको बुधबारबाट विधिवत पुजापाठ समेत सुरु गरिएको छ । स्थानीय अगुवा बालकराम थारुका अनुसार मन्दीरमा हात्ती, घोडा र बाघको मुर्ति नयाँ राखिएको छ भने पाँचदिन सम्म विशेष पुजापाठ हुने छ ।
