सोमबार, १९ साउन/ काठमाडौँ । बोलबम हिँडेकी एक जना महिलाको सुन्दरीजलमा चिप्लिएर लड्दा मृत्यु भएको छ । मृत्यु हुनेमा चितवन घर भएर कपन बस्दै आएकी ३५ वर्षीया सन्ध्या धामी छिन् ।
आइतबार राति लडेपछि उनलाई उद्धार गरेर जोरपाटी स्थित नेपाल मेडिकल कलेजमा ल्याइएको जिल्ला प्रहरी परिसर काठमाडौँका एसपी कुलदिप चन्दले जानकारी दिए ।
राति १ बजेर ३५ मिनेटमा उनी आफ्ना साथीहरूसँग गोकर्णेश्वर नगरपालिका–१ स्थित सुन्दरीमाई मन्दिरमा बोलबम गएकी थिइन् । सो क्रममा उनी चिप्लिएर खोलामा डुबेकी थिइन् । उनको शव पोस्टमार्टमका लागी त्रिवि शिक्षण अस्पतालमा पठाइएको छ ।
उनीसँगै लडेकी अर्की एक जना महिलाको भने उपचार हुँदैछ ।
खोलामा डुबेको अवस्थामा सेनाको सुन्दरीजल विपद् व्यवस्थापन टिम र प्रहरी प्रभाग सुन्दरीजलबाट खटिएको टोलीले उद्धार गरेको हो ।
