बुधबार, १४ साउन /काठमाडौं । समलिङ्गी, तेस्रोलिङ्गी र अन्तरलिङ्गी अधिकारका लागि काम गर्दै आएको ब्लु डायमण्ड सोसाइटीमाथि गम्भीर आरोप लागेको छ। सक्कलीको नाममा नक्कलीहरू हुलेर विकृति फैलाएको उनीहरूमाथि आरोप लगाइएको हो ।
यसै सन्दर्भमा, ती समुदायका दर्जनौं सदस्यले बुधबार काठमाडौँको धुम्बाराहीस्थित ब्लु डायमण्डको मुख्य कार्यालय घेरेर आक्रोश पोखेका छन्। उनीहरूले संस्थाले मिडियामा गलत सूचना प्रवाह गरेको र वास्तविक पीडितको आवाज दबाउँदै आएको गुनासो गरेका छन्।
