बिहीबार, ०८ जेठ /दाङ । तुलसीपुर — प्राकृतिक कला केन्द्र तुलसीपुरले मोडल तथा डान्सर बिमु आचार्यलाई कला क्षेत्रमा पुर्याएको योगदानको कदर गर्दै सम्मान तथा मायाको चिनो प्रदान गरेको छ। सम्मान कार्यक्रममा केन्द्रका गुरु रविन बुढाथोकी र अध्यक्ष चोभार पौडेलले नयाँ पुस्तालाई कसरी अघि बढाउने भन्ने विषयमा छलफल गरेका थिए ।
कार्यक्रममा बिमु आचार्यले कला केन्द्रले दिएको सम्मानप्रति धन्यवाद व्यक्त गर्दै आफू निरन्तर कला क्षेत्रमा लागिरहने प्रतिबद्धता जनाइन्। अध्यक्ष चोभार पौडेलले केन्द्रबाट नयाँ तथा पुराना, केन्द्रीय र स्थानीय कलाकार, मोडल, गायक–गायिका र डान्सरलाई यस्तै सम्मान गरिने जानकारी दिए। साथै, विशेष प्रतिभा भएका कलाकारलाई विशेष प्राथमिकता दिएर अगाडि बढाउने योजना रहेको पनि बताए ।
