गायक नारायण थापाको “माया मारिगयौ” सार्बजनिक

बिगत २ दशक भन्दा बढि समयदेखि नेपाली गीत संगीतमा सक्रिय चर्चित गायक नारायण थापाको आवाजमा रहेको नया गीत “माया मारि गयौ” सौगात जंग थापा युट्युब च्यानलमार्फत सार्बजनिक भएको छ। पिटर दर्नालको शब्द बिशाल निरौलाको संगीत तथा एरेन्ज र रंजन राईको मिक्सिंग मास्टरिंग रहेको छ भने सुशान्त ढकाल र एलिना गुरुंग लगायतका कलाकारको अभिनय रहेको छ ।गीतमा दिपक गिरीको छायांकन राकेश दाहालको सम्पादन र राजिव समरको निर्देशन रहेको छ।
पछिल्लो समय गीत रेकर्डिंग मेला महोत्सव लगायत बिभिन्न सांगितिक कार्यक्रमहरुमा ब्यस्त गायक नारायण थापाको अजम्बरी-२०७२,परिवेश २०७७, र आकर्षण-२०७९ गरि तिनओटा गीति संग्रह सार्बजनिक भैसकेको छ भने चौथो गीति संग्रह आभुषणका गीतहरुको रेकर्डिङ अन्तिम चरणमा पुगेको छ।लोक पप आधुनिक फिल्मी सबै प्रकारका गीतहरुमा फिट गायक थापाको मायाले, बनैमा फुल्ने,बरपिपल खतरा हलानि लगायत १ दर्जन गीतहरु बजारमा आउने क्रममा रहेकोछ भने आधा दर्जन भन्दा बढि गीतहरु रेकर्डिङको क्रममा रहेका छन।