धनेश्वोर एडभरटाइजिङ प्रा.लि.को आयोजनामा पहिलो “धनेश्वोर टेलिफिल्म अवार्ड २०८२“ शनिबार राष्ट्रिय चलचित्र विकास बोर्डको हलमा भव्यताका साथ सम्पन्न भएको छ । नेपालका टेलिचलचित्रहरूलाई प्रोत्साहन गर्ने उद्देश्यले आयोजित यस अवार्ड कार्यक्रममा टेलिफिल्म “बुहारी“ उत्कृष्ट घोषित भएको हो ।
सयौं टेलिचलचित्रहरूबीचको प्रतिस्पर्धामा “बुहारी“ ले उत्कृष्ट टेलिफिल्म सहित विभिन्न सात विधामा अवार्ड जित्दै आफ्नो वर्चस्व कायम गर्न सफल भएको थियो । यस सफलताले सिरियल जगतमा नयाँ इतिहास रचेको आयोजकले दाबी गरेको छ ।
अवार्ड समारोहका संयोजक तथा धनेश्वोर एडभरटाइजिङ प्रा.लि.का संस्थापक ख्मेस श्रेष्ठले कार्यक्रमलाई सफल बनाउन महत्त्वपूर्ण भूमिका निर्वाह गर्नुभएको थिय ो।
“बुहारी“ ले जितेका प्रमुख विधाहरूः
वर्षको उत्कृष्ट टेलिफिल्मः ’बुहारी’ (निर्माताः रामचन्द्र बोहरा)
उत्कृष्ट नायिकाः अनिता बैजु
उत्कृष्ट नव निर्देशकः महेश थापा
उत्कृष्ट पाश्र्व संगीत संयोजनः बिनय कार्की क्षेत्री
उत्कृष्ट नव–नायिकाः प्रसना कार्की
उत्कृष्ट खलपात्र (महिला)ः सरिता राजोपाध्याय
उत्कृष्ट चरित्र अभिनेताः रोहित कार्की
