देशका १६५ निर्वाचन क्षेत्रबाट निर्वाचित युवा सांसदहरु मध्य सल्यानका खम प्रकाश डि.सी ले पनि अन्य युवा सांसदहरु सँगै शपथ लिएका छन् ।
उज्यालो नेपाल अभियानका संयोजक कुलमान घिसिङको प्रमुख आतिथ्यमा बिहीबार काठमाडौँको सभागृहमा आयोजित कार्यक्रममा उनीहरुलाई ग्लोबल युथ पार्लियामेन्टका अध्यक्ष दिवाकर अर्यालले पद तथा गोपनीयताको शपथ गराएका हुन् ।
सल्यान जिल्ला, निर्वाचन क्षेत्र नं. १ बाट अत्यधिक मत प्राप्त गरी राष्ट्रिय युवा संसदको २ वर्षे कार्यकालका लागि माननीय सदस्यको रूपमा विजयी भएका खिम प्रकाश डि.सी बिगत लामो समय देखि सामाजिक कार्यहरु गर्दै आएका छन । उनि पत्रकारिता लगायत राष्ट्रिय युवा सन्जाल,नेपाल युवा परिषद तथा बिभिन्न युवा सम्बन्धी कार्य गर्ने संघ संस्थाहरुमा आबद्ध रहेका छन । डिसी राष्ट्रिय युवा संसद (नेश्नल युथ पार्लियमेन्ट) ले लामो समय लगाएर डिजिटल माध्यमबाट देशभरीका निर्वाचन क्षेत्रमा गरिएको अनलाईन भोटिङ्ग मार्फत सल्यान जिल्ला, निर्वाचन क्षेत्र नं. १ बाट अत्याधिक भोट ल्याई बिजयी भएका हुन ।
उनको यो विजय सल्यान निर्वाचन क्षेत्र न. १ का सम्पूर्ण युवाहरूको विश्वास, योगदान र सामूहिक प्रयासको नतिजा हो र युवाले अब नेतृत्व गर्न सक्छन् भन्ने सन्देश राष्ट्रिय तहसम्म पु¥याउने अवसर पनि रहेको उनले बताए ।
