spot_img
होमपेजराष्ट्रिय समाचारपूर्व अर्थमन्त्री पुनद्वारा कृषि विकास बैंक कर्मचारी संगठन नेपालको ´संगठन स्मारिका सृजना`...

पूर्व अर्थमन्त्री पुनद्वारा कृषि विकास बैंक कर्मचारी संगठन नेपालको ´संगठन स्मारिका सृजना` विमोचन

- Advertisement -spot_img

नेकपा (माओवादी-केन्द्र) का उपमहासचिव तथा पूर्व अर्थमन्त्री वर्षमान पुन (अनन्त) ले कृषि विकास बैंक कर्मचारी संगठन नेपालद्वारा प्रकाशित ‘संगठन स्मारिका सृजना’ को २३औँ अङ्कको विमोचन गर्नुभएको छ । कृषि विकास बैंक कर्मचारी संगठन, नेपाल केन्द्रीय समिती द्वारा कृषि विकास बैंक लि. को मुख्य कार्यालय रामशाहपथ को कार्यक्रम हलमा आयोजित विशेष समारोहका बीच प्रमुख अतिथि पुनले अन्य विशिष्ट अतिथिहरूसँग संयुक्त रूपमा स्मारिकाको विमोचन गर्नुभएको हो ।

कृषि विकास बैंक कर्मचारी संगठन नेपालका केन्द्रीय अध्यक्ष इन्द्रमणी घिमिरेको अध्यक्षतामा सम्पन्न उक्त विमोचन कार्यक्रममा विशिष्ट अतिथिको रूपमा नेपाल राष्ट्रिय कर्मचारी महासंघका अध्यक्ष मणिरत्न श्रेष्ठ, कृषि विकास बैंक लिमिटेडका प्रमुख कार्यकारी अधिकृत गोविन्द गुरुङ, तथा नेपाल राष्ट्रिय कर्मचारी महासंघका महासचिव प्रेम प्रसाद खनालको उपस्थिति रहेको थियो ।

विमोचित स्मारिका ‘सृजना’ मा कृषि विकास बैंकमा कार्यरत उच्च पदस्थ कर्मचारीदेखि अधिकृत तहसम्मका कर्मचारीहरू तथा संगठनका विभिन्न पदाधिकारीहरूद्वारा लिखित लेख रचनाहरू समेटिएका छन् । विशेषगरी बैंकिङ क्षेत्रको परीक्षा तयारीका लागि उपयोगी सामग्री र समसामयिक राजनीतिक तथा पेसागत विषयवस्तुमा आधारित लेखहरूलाई पुस्तकमा स्थान दिइएको संगठनले जनाएको छ ।

कार्यक्रममा बैंकमा क्रियाशील अन्य कर्मचारी संगठनका प्रमुखहरूको पनि उपस्थिति रहेको थियो, जसले कर्मचारीहरूबीचको एकता र सहकार्यलाई दर्शाएको थियो । अतिथिहरूको रूपमा नेपाल वित्तीय कर्मचारी संघ, कृषि विकास बैंकका अध्यक्ष राम रावल, कृषि विकास बैंक कर्मचारी संघ नेपालका अध्यक्ष छगेन्द्र आचार्य, र कृषि विकास बैंक कर्मचारी युनियन नेपालकी अध्यक्ष जानुका पौडेल लगायत संगठनका सल्लाहकारहरूको उपस्थिति रहेको थियो ।
कार्यक्रमका वक्ताहरूले कर्मचारीहरूको बौद्धिक र सिर्जनात्मक क्षमता अभिवृद्धि गर्न यस्ता प्रकाशनले महत्त्वपूर्ण भूमिका खेल्ने बताउँदै संगठनको प्रयासको प्रशंसा गर्दै शुभकामना व्यक्त गरेका थिए ।

- Advertisement -spot_img
- Advertisement -spot_img
हामीसँग जोडिनुहोस्
16,985प्रशंसकजस्तै
6,770अनुयायीहरूलाईपालन
2,458अनुयायीहरूलाईपालन
61,453ग्राहकहरुसदस्यता
पढ्नै पर्ने
- Advertisement -spot_img
छुटाउनु भयो कि ?
- Advertisement -spot_img

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्