राप्ती सोनारी , फागुन ८ गते,
जिल्ला प्रहरी कार्यालय बाँकेले माघ महिनामा उत्कृष्ट कार्य गर्ने २ जना प्रहरीलाई सम्मान गरेको छ । बाँके प्रहरीले जिल्ला अदालत बाँकेमा फैसला कार्यान्वयन इन्चार्ज प्रहरी नायव निरिक्षक (सई) प्रविण डि.सी र प्रहरी जवान तिल बहादुर रानालाई उत्कृष्ट प्रहरी घोषणा गर्दै माघ महिनाको वेष्ट पुलिस अफ द मन्थले सम्मान गरेको हो । आज विहीबार कार्यालयमा एक कार्यक्रमको आयोजना गरेर बाँके प्रहरी प्रमुख प्रहरी उपरिक्षक (एसपी) तुल बहादुर कार्कीले सई डि.सी र जवान रानालाई प्रशंसा पत्र प्रदान गरेका थिए । सई डि.सी यस अघि इलाका प्रहरी कार्यालय बैजापुरको इन्चार्ज हुँदा तथा कोहलपुरमा कार्यरत हुँदा राम्रो काम गरेर प्रशंसा बटुलेका थिए ।
