राप्ती सोनारी, फागुन १५,
बाँकेको राप्ती सोनारी गाउँपालिकामा ७ लालपुरमा भएको क्रिकेट प्रतियोगीताको उपाधी नेपालगन्ज ८ ले जितेको छ । गत ४ गते बाट सुरु भएको क्रिकेट प्रतियोगीतामा आयोजक राप्ती युवा क्लवलाई हराउँदै उपाधी हात पारेको हो ।
आयोजकले दिएको १सय १३ रनको लक्ष्यलाई १४ ओभर ३ बलमा पुरा गर्दै नेपालगन्ज उपमहानगरपालिका ८ ले सहजै उपाधी जित्न सफल भएको हो । उपाधी विजेता नेपालगन्ज ८ ले नगद पचास हजार पुरस्कार संगै मेडल ट्रफि पाएको छ । यसैगरी उप विजेता आयोजकले नगद २० हजार र मेडल ट्रफि पाएको हो ।
प्रतियोगितामा नेपालगन्जका सलमान शेख म्यान अफद म्याच र दिपेन्द्र पाण्डे दिपु म्यानअ फ द श्रीष भएका थिए ।
राप्ती सोनारी वडा न. ७ का वडा अध्यक्ष राम लखन थारुको प्रमुख आतिथ्यतामा भएको पुरस्कार वितरण कार्यक्रममा प्रहरी प्रशासनको पनि सहभागिता रहेको थियो ।
