राप्ती सोनारी ३,
बाँकेको राप्ती सोनारी ३ सिनावाजमा शनिबार राप्ती नदीमा डुबेर एक जना युवतीको ज्यान गएको छ । माछा मार्न गएकि सिनावाज निवासी १८ बर्षिया युवती दिक्षिका चौधरीकोको राप्ती नदीमा डुबेर मृत्यु भएको हो । ठग्गु थारुको १८ बर्षिया छोरी दिक्षिका गाउँले महिलाहरु संग माछा मार्न गएको बेला राप्ती नदीमा डुबेर ज्यान गएको राप्ती सोनारी ३ का वडा अध्यक्ष मिन कुमार चौधरीले जानकारी दिएका छन् । बिहान भात खाएर ११ बजेतिर माछा मार्न गएको बेला ११ जना महिला संगै पानीमा डुबेका थिए, प्रत्यक्षदर्शिहरुका अनुसार नजिकै रहेका कृष्ण चौधरीले अरु महिलाहरुलाई डुब्न बाट बचाएका थिए ।
युवतीको शव करिव एक घन्टा पछि इलाका प्रहरी कार्यालय धामपुर बाट गएको प्रहरी टोली र स्थानीयहरुले शव वरामद गरेका थिए । अहिले पोष्टमार्टमको लागी नेपालगन्ज लगिएको प्रहरीले जनाएको छ ।
