नेपालका अधिकाश कलेजहरुबाट पास आउट भएका बिद्यार्थीहरुसंग हातमा सर्टिफिकेट हुन्छ तर सीप र अनुभब हुदैन ।
सर्टिफिकेट भए पनि सीप र अनुभब नहुदा जागिर पाउने संभाबना निक्कै कम हुन्छ । जागिर पाउनका लागि ठुलै लडाइ जित्नु पर्ने हुन्छ । आफ्नै ब्यबसाय सुरु गर्छु भन्ने आट पनि कमै हुन्छ । त्यसै होला नेपालका अधिकाश कलेजहरुलाई बेरोजगार उत्पादन गर्ने शैक्षिक संस्था भन्ने आरोप लाग्ने गरेको छ ।
यस्तै परिबेशमा पर्यटन र हस्पिटालिटी क्षेत्रमा झन्डै तीन दशक लामो अनुभब भएको सिद्धार्थ बिजनेश गु्रप अफ हस्पिटालिटीले पढ्दै, सिक्दै, कमाउने र कलेज पास आउट हुदा साथ रोजगारी दिने प्रतिबद्धताका साथ सिद्धार्थ एकेडमी अफ टुरिज्म, हस्पिटालिटी, म्यानेजमेन्ट (साथम ) कलेज सुरु गरेको छ ।
लुम्बिनी बौद्ध बिश्व बिद्यालयसंग सहकार्य गरी साथम कलेजले यसै शैक्षिक सत्र देखि नेपालगन्ज र चितबनमा चार बर्षे ब्याचलर इन हस्पिटालिटी , टुरिज्म म्यानेजमेन्ट बिएचटिएममा पढाई सुरु गरेको छ ।
जुन सुकै बिषयमा प्लस टु उर्तिण भएका बिद्यार्थीले चार बर्षे बिएचटिएमको पढन सक्ने छन । यो कोर्ष पढ्नका लागि लुम्बिनी बौद्ध विश्वविद्यालयले लिने इन्ट्रान्स परीक्षा तथा अन्र्तबार्ता भने पास गर्नु पर्छ ।
साथम कलेजको एकेडमिक र प्राक्टिकल कक्षाहरु सिद्धार्थ गु्रपको नेपालगन्जको स्थित चार तारे होटेल सिद्धार्थ र सिद्धार्थ होटेल नारायणघाट परिसर भित्रै संचालन हुन्छन ।
कलेजले गत बर्ष देखि नै बिएचटिएम कोर्षमा पढाइ सुरु गरेको हो । गु्रपको भैरहवा स्थित सिद्धार्थ भिलासामा यो कोर्षमा पढाइ भइ रहेको छ । चालु शैक्षिक सत्रमा साथम कलेजले नेपालगन्ज र नारायणघाटमा पढाइ सुरु गर्नका लागि लुम्बिनी बौद्ध बिश्वबिद्यालयबाट अनुमति पाइ सकेको छ । साथम कलेज लुम्बिनी बौद्ध बिश्वबिद्यालयको लर्निङ सेन्टर हो ।
बिएचटिएम कोर्षमा फुड प्रोडक्सन, फुड सर्भिसेस, हाउसकिपिङ, टुरिज्म , फ्रन्ट अफिस, मार्केटिङ जस्ता बिषयमा सैद्धान्तिक र प्रयोगात्मक पढाइ हुन्छ । यो कोर्ष पुरा गर्न १२४ ( १ क्रेडिट बराबर १६ घन्टा) क्रेडिट आवर पढ्नु पर्ने साथम कलेजका प्राज्ञिक निर्देशक निश्चल श्रेष्ठले बताए ।
तीन बर्ष नेपालमा पढी सके पछि बाकी एक बर्ष बिदेश गएर पढ्न चाहाने बिद्यार्थीका लागि इन्टरनेशल स्टुडेन्ट एक्स चेन्च कार्यक्रम मार्फत लुम्बिनी बौद्ध बिश्व बिद्यालयले नै चीन र दक्षिण कोरियाका केहि बिश्व बिद्यालयसंग सहकार्य गरेर छात्रबृत्तिमा पढ्ने र काम गर्ने अबसर मिलाइ दिने उनले बताए । त्यसका लागि बिद्यार्थीले भाषा लगायत बिश्व बिद्यालयले तोकेका शैक्षिक मापडन्ड पुरा गर्नु पर्ने छ ।
चार बर्षे कोर्ष बिएचटिएम कोर्षमा पढ्नका लागि ७ लाख ५० हजार लाग्छ । यो कोर्षमा ८ वटा सेमिस्टर हुन्छ । पहिलो सेमिस्टरमा शत प्रतिशत पढाइ हुन्छ । दोस्रो सेमिस्टरबाट सिक्ने र कमाउने क्रम सुरु हुन्छ । हरेक हप्ता कम्तीमा ३० घन्टा अनिबार्य रुपमा काम गर्नु पर्छ । कोर्ष पुरा हुने समय सम्म बिद्यार्थीले करिब ५ लाख रुपैया पढ्दा पढ्दै सिद्धार्थ होटेल मै काम गरेर कमाउने सुनिश्चता गरिएको छ ।
पढाई पुरा गरे पछि सिद्धार्थ गु्रप अन्र्तगत देशैभर रहेका होटेल , रिसोट , रेष्टुरेन्ट , क्याफे ( सिद्धार्थ गु्रप अन्र्तगत पाच तारे, चार तारे र तीन तारे होटेल , रिसोट , रेष्टुरेन्ट र क्याफे गरेर ३२ वटा आउटलेट मा काम गर्ने अबसर पाउने सिद्धार्थ बिजनेश गु्रप अफ हस्पिटालिटीका प्रमुख कार्यकारी अधिकृत कृष्ण न्यौपानेले बताए । सिद्धार्थका आउटलेटहरुमा करिब २ हजार कर्मचारी कार्यरत छन । जहॉ हरेक बर्ष करिब ३ सय कर्मचारी फेरबदल भइ रहन्छन ।
कोर्ष पुरा गरेका बिद्यार्थीहरुले अन्य तारे होटल, रिसोर्टका अतिरिक्त ,ट्राभल एन्ड टुरिजम,क्याट्रिङ म्यानेजमेन्ट,इभेन्ट म्यानेजमेन्ट, गैह सरकारी संघ संस्था, बैदेशिक रोजगारका साथै आफ्नै ब्यबसाय संचालन गरेर स्वउद्यमी बन्ने अबसर पनि उपलब्ध हुने छ ।
यो क्षेत्रमा यति नै कमाइ हुन्छ भन्ने छैन । स्वरोजगार हुने भएकाले आफ्नो लगानी अनुसार आम्दानी गर्न सकिन्छ । यो कोर्ष पुरा गरे पछि सुरुवाती जागिर मै मासिक कम्तिमा ४० हजार सम्म सहजै पारिश्रमिक पाउन सकिन्छ । आफै ब्यबसाय गर्दा त्यो भन्दा धेरै पनि कमाउन सकिन्छ ।
होटल म्यानेजमेन्ट पढेका धेरै विद्यार्थी विदेश जाने गरेका छन् । होटल क्षेत्रमा राम्रो कमाइ हुने भएकाले नेपाली विद्यार्थीको रोजाइ विदेशका स्टार होटल पर्ने गरेका छन । चीन, बहराइन, हङकङ मलेसिया थाइल्यान्ड, अमेरिका, अष्ट्रेलियमा नेपाली विद्यार्थी काम र पढ्नका लागि पुग्ने गरेका छन ।
पढाइ सके पछि बर्क परमिट भिषा मै विदेश जान सकिने भएकाले राम्रो काम गरे विदेशी होटलले त्यही राम्रो तलबमा राख्ने सम्भावना पनि हुन्छ । अन्य विषय पढेकाले भन्दा यो विषय पढेकाले विदेशका धेरै कमाउन पनि सक्छन् ।
कोर्षपुरा गरे पछि बिद्यार्थीलाई प्रदान गरिने सर्टिफिकेटमा ज्ञान ,सीप र ब्यबहारमा प्राप्त गरेको नम्बर उल्लेख हुने कलेजका प्राज्ञिक निर्देशक निश्चल श्रेष्ठले बताए ।
आर्थिक अबस्था कमजोर भएका तर बिएचटिम कोर्ष पढ्न चाहने बिद्यार्थीका लागि कलेजले बैकहरुसंग सहकार्य गरेर शैक्षिक कर्जा मिलाइ दिने तयारी गरि रहेको छ । बैकबाट कर्जा लिएर पढ्ने बिद्यार्थीहरुले पढ्दा पढ्दै होटेलमा काम गरेर कमाउने पैसाबाट सहजै कर्जाको ब्याज र साबा तिर्न सक्ने सिद्धार्थ गु्रपका प्रमुख कार्यकारी अधिकृत न्यौपानेले बताए ।
